Wednesday 29 December 2010

మెలకువ

పరుపు మెత్తదనం హాయినివ్వడం లేదు
పచ్చికను కోల్పోయిన చింత నాది
           *   
నువ్వు చదివిన కవితా పాదమే అంతిమమనుకోకు
చిత్తులో దాని వెర్షన్స్‌ ఎన్నో ఉన్నాయి


    *
లోకం పల్లమై లాగుతూన్నది
సముద్రంలో కలవడం ఇష్టం లేకే వంకలు పోతున్నాను
    *
ఎవరి లెక్కలు వారికున్నాయి
లెక్కలు లేనివాడే కదా మహా ఋషి
    *
కొండ చివరాఖర్న కూచొని గొంతెత్తాను
గ్రహ శకలాలన్నీ ఊసులు పోతున్నవి
    *
మధువుతో మత్తిల్లి మనసులో గూడుకట్టుకున్న
            గోసలన్నీ పాడుతున్నాను
ఈ రాత్రి ప్రకృతి మౌనంగా దుఃఖిస్తున్నది
    *
జనాజాకు భుజం అందించడానికి పరుగులు పెడుతున్నారు
వీళ్లంతా నన్ను పాతిపెట్టే దాకే..!

3 comments:

  1. pacchikaloni chittutho vankalu posi,lekkalu chesi ,voosulaadi,mounangaa dhukkistE paathipettaraa mari?

    ReplyDelete
  2. విజయవిహారం ఎడిటర్ రమణమూర్తి గారి పుస్తకంలో మీ గురించి చదివినప్పుడు ఏదో అనుకున్నాను. మీ కవితలు చదివిన తరువాత అర్థమయ్యింది.

    ReplyDelete

మీ అభిప్రాయం తెలియజెయ్యండి